03.04.2025

Sot, me ftesë të dekanes së Fakultetit të Arteve të Aplikuara në Ferizaj, znj. Lebibe Topalli, Drejtori i Përgjithshëm i Shërbimit Korrektues të Kosovës, z. Ismail Dibrani, së bashku me ushtruesen e detyrës së drejtoreshës së Qendrës Edukuese Korrektuese, znj. Ardita Blakaj, dhe pesë të mitur nga kjo qendër, vizituan Universitetin e Shkencave të Aplikuara në Ferizaj, ku u pritën nga Rektori, Prof. Dr. Agron Bajraktari dhe stafi drejtues.

Vizita kishte për qëllim të njihej nga afër me mundësitë arsimore dhe profesionale që ofron ky institucion, duke pasur parasysh prirjet e të miturve për art, dizajn, pikturë dhe gdhendje në dru.

Përfaqësuesit e universitetit pritën vizitorët dhe i informuan ata për programet akademike dhe laboratorët e punës praktike, duke ofruar një pasqyrë të qartë mbi fushat e studimit që përputhen me interesat dhe talentet e të miturve.

Kjo vizitë është pjesë e angazhimeve të Shërbimit Korrektues të Kosovës për të mbështetur procesin e rehabilitimit dhe risocializimit të të miturve, duke u ofruar atyre perspektiva të reja për zhvillimin e aftësive dhe integrimin e suksesshëm në shoqëri.