SHKK dhe SHSK presin ne takim përfaqësuesit e Iniciativës Atlantike

Zëvendësuesi i Drejtorit të Përgjithshëm të Shërbimit Korrektues të Kosovës, z. Ismail Dibrani së bashku me Drejtorin e Përgjithshëm të Shërbimit Sprovues, z. Arsim Tahiri, pritën në takim përfaqësuesit e Iniciativës Atlantike nga Bosnja dhe Hercegovina, Iraku, Kenia, Tunizia, Shqipëria, Maqedonia e Veriut, me të cilët diskutuan lidhur me personat e kthyer nga konflikti i Sirisë dhe Irakut.

Takimi kishte për qëllim shkëmbimin e përvojave në luftimin e ekstremizmit të dhunshëm, ndarjen e praktikave më të mira dhe rolin e përfaqësuesve të SHKK-së dhe SHSK-së në këtë fushë.

Në të ardhmen do të realizohen vizita të ndërsjella ku do të vizitohen institucionet korrektuese në të cilat po mbahen personat e dënuar për vepra terroriste.

 

Kthehu tek lajmet